रचना पठाउने निर्देशिका
१. लेख/रचनाको अन्तिम मस्यौदा पठाउनुअघि विषयवस्तुबारे बढीमा ३०० शब्दको चुरो कुरो पठाउन आग्रह गर्दछौँ।
२. सबै लेख/रचना (फोटो एस्सेसमेत) समाज विज्ञान, कला र मानविकी विषयसँग सम्बन्धित हुनुपर्नेछ।
३. द कमन्सले छोटो र लामो गरी दुई खाले सामग्री प्रकाशन गर्दै आएको छ। छोटो सामग्रीका लागि ८०० देखि १,५०० शब्द र लामो सामग्रीका लागि २,५०० शब्दको सीमा निर्धारण गरिएको छ।
४. पत्रकारितामूलक रिपोर्टिङभन्दा शोधमूलक सामग्रीमा आधारित फोटो एस्सेलाई प्राथमिकता दिइनेछ।
५. अंग्रेजी भाषामा लेखिएका सामग्रीका लागि ब्रिटिश इंग्लिस स्पेलिङ प्रयोग गर्न अनुरोध गर्दछौँ।
६. हामी लेखमा पादटिप्पणी वा नोट उल्लेख गर्दैनौँ। सकेसम्म स्रोत, सन्दर्भ र थप जानकारीलाई हाइपरलिङ्कमार्फत राख्न प्रोत्साहन गर्दछौँ।
७. प्रकाशनार्थ पठाइएका लेख/रचनामा समीक्षक एवं सम्पादन टोलीले आवश्यक ठानेमा परिमार्जन गर्न लेखक तयार हुनुपर्नेछ।
८. लेख/रचना पठाउने तथा प्रकाशन गर्ने प्रक्रियासम्बन्धी जिज्ञासाहरूलाई हरसम्भव चाँडो सम्बोधन गर्न सम्पादकीय टोली प्रयत्नशील रहनेछ। तथापि, कुनै पनि सामग्रीबारे दुई महिनासम्म कुनै जवाफ नआएमा उक्त सामग्री अस्वीकृत भएको बुझ्नुपर्नेछ।